Gjashtëmbëdhjetëvjeçari Vladyslav Rudenko ndodhej në banesën e tij, në rajonin e Hersonit, kur ushtarët rusë e detyruan të shkonte në Krimenë e okupuar. Ai ishte në mesin e shumë të rinjve ukrainas që u morën nga territoret e okupuara për t’u dërguar në ato që Kievi i quan kampe proruse “riedukimi” proruse. Në një bisedë me Shërbimin ukrainas të Radios Evropa e Lirë, Rudenko kujton se si, për muaj të tërë, ishte detyruar të këndonte himnin kombëtar të Rusisë, dhe se mund të shikonte vetëm media ruse. Që nga fillimi i pushtimit në shkallë të gjerë, Kievi e ka akuzuar Moskën për dëbim aktiv të fëmijëve ukrainas në kuadër të atij që disa zyrtarë e kanë quajtur “gjenocid kulturor” ndaj identitetit ukrainas. (Përgatitën: Trim Haliti dhe Ibrahim Berisha)