BEOGRAD

Zyra për marrëdhënie me publikun e qeverisë së Serbisë paralajmëroi se së shpejti në Beograd do të qëndrojnë zyrtarë të lartë të Rusisë dhe të Kinës, si anëtare të përhershme të Këshillit të Sigurimit të KB. Shefi i zyrës Srgjan Gjuriq tha se me 17 prill Beogradin do ta vizitojë nënkryetari i qeverisë kineze Hui Lijangju, ndërsa me 18 dhe 19 prill Ministri i Jashtëm i Rusisë Sergej Lavrov.
"Tani është koha e duhur për vizitën e Lavrovit. Mbështetja e Rusisë për zgjidhje të drejtë të statusit të Kosovës është e rëndësisë historike për Serbinë" tha Gjuriq.