Lideri i lëvizjes opozitare Rusia Tjetër, Garry Kasparov tha se ai dhe veprimtarë të tjerë opozitarë nuk ishin lejuar sot të fluturojnë nga Moska për në Samara për të marë pjesë në një protestë të opozitës. Ai i tha radios Evropa e Lirë se atyre u ishin marrë pasaportat dhe biletat e aeroplanit. Zyrtarët kanë thënë se bileta e zotit Kasparov nuk ishte në rregull. Disa gazetarëve të jashtëm, poashtu, nuk u ishte lejuar fluturimi për në Samara.
