Kryeministri i Serbisë Vojisllav Koshtunica paralajmëroi shtimin e përpjekjeve për arrestimin e të akuzuarit të Tribunalit të Hagës, Ratko Mlladiq. Ai tha për televizionin shtetëror se "është e domosdoshme të përcaktohet" lokacioni i Mlladiqit dhe të dyshuarve të tjerë për krime lufte. Bashkimi Evropian ka thënë se mund të rifillojë bisedimet me Serbinë kur Beogradi të manifestojë progres në arrestimin e të dyshuarve.
