Zëdhënësi i Ministrisë së jashtme iraniane, Mohammad Ali-Hosseini konfirmoi sot se ambasadori iranian në Bagdad është takuar me pesë iranianët që aktualisht mbahen të burgosur në Irak. Ai tha se ambasadori i kaloi pesë orë me të burgosurit, që thanë se janë të pafajashëm dhe se kërkuan që të lirohen. Qeveria iraniane sot kërkoi nga Iraku lirimin e tyre. Të pesë iranianët mbahen të arrestuar nga forcat e Shteteve të Bashkuara në Irak, prej fillimit të këtij viti, të dyshuar se po i ndihmonin kryengritësit irakianë.
