Presidenti i Iranit, Mahmud Ahmadinejad, arriti në Nju Jork, megjithëqë në Universitetin Columbia ka pasur protesta kundër fjalimit të tij të paralajmëruar. Universiteti e ka cilësuar vendimin për fjalimin e tij si çështje e lirisë së të shprehurit, ndërsa kritikët e vendimit e akuzojnë liderin iranian për mohimin e Hollokaustit, kërcënimin për të shkatërruar Izraelin dhe përpjekjet për zhvillimin e armatimit bërthamor. Nesër, presidenti Ahmadinejad do t'i drejtohet Asamblesë së Përgjithshme të Kombeve të Bashkuara.
