Presidenti i Rusisë, Vladimir Putin, ka bërë thirrje për "durim" lidhur me statusin e Kosovës dhe ka shtuar se krijimi i shteteve të reja në Ballkan, do të trondiste të drejtën ndërkombëtare dhe do të promovonte separatizmin në Evropë dhe në ish-hapësirat sovjetike. "Shikoni se çka po ndodh në Evropë! A nuk keni probleme të mjaftueshme në Spanjë, probleme që mund të ndodhin në Rumani, problemet me të cilat po përballet sot Belgjika? Dhe, nëse keni parasysh tërë rajonin ku ndodhet Kosova, a nuk ka në të mjaft probleme të këtij lloji?", ka thënë Putin në Lisbonë, pas takimit me presidentin e Portugalisë, Anibal Cavaco Silva.
