Shefi i administratës ndërkombëtare në Kosovë, Soren Jessen-Petersen, u takua sot me kandidatin e Aleancës për Ardhmërinë e Kosovës për kryeministër, gjeneral lejtënant Agim Çekun, aktualisht komandant i Trupave të Mbrojtjes së Kosovës. Në takim morën pjesë edhe përfaqësuesit e pesëshes diplomatike në Prishtinë. Gjeneral Çeku bëri të ditur se ende nuk ka marrë ndonjë ftesë zyrtare për t’u bërë kryeministër, por nëse ftohet zyrtarisht, tha se është i gatshëm të japë kontributin e vet.
Gjatë ditës, pritet që edhe Presidenti Fatmir Sejdiu të takohet me partitë në koalicion, Lidhjen Demokratike dhe Aleancën për Ardhmërinë e Kosovës, për të shqytuar hapat e mëtejshëm pas dorëheqjes së kryeministrit Bajram Kosumi, dhe shkarkimit të kryetarit të Kuvendit, Nexhat Daci.
Gjatë ditës, pritet që edhe Presidenti Fatmir Sejdiu të takohet me partitë në koalicion, Lidhjen Demokratike dhe Aleancën për Ardhmërinë e Kosovës, për të shqytuar hapat e mëtejshëm pas dorëheqjes së kryeministrit Bajram Kosumi, dhe shkarkimit të kryetarit të Kuvendit, Nexhat Daci.