Ndërlidhjet

VJENË


Përfaqësuesit më të lartë të Kosovës dhe Serbisë me ndërmjetësimin e kryenegociatorit për statusin e Kosovës, Marti Ahtisari takohen sot në Vjenë.
Takimi, që fillon në ora 10:00, për herë të parë që nga fillimi i negociatave do përballë dy delegacionet dhe qëndrimet e tyre për të ardhmen e Kosovës.
Në takim përveç zyrës së UNOSEK-ut do marrë pjesë dhe ministrja e jashtme austriake, Ursula Plashnik dhe kancelari Volfgang Shysel.
Plashnik i ka bërë dje thirrje dy delegacioneve që të jenë konstruktivë në bisedimet e sotme.
Lidhur me delegacionet, ai i Kosovës ka mbërritur i plotë në Vjenë gjatë fundjavës, derisa nga delegacioni serb të djelën vonë ka arritur në Vjenë kryeministri Koshtunica, deri presidenti Tadiç udhëton të hënën drejt kryeqytetit austriak.
Pritet që takimi i sotëm të mbikqyret dhe nga përfaqësuesit e vendeve të Grupit të Kontakit. Ky i fundit u takua dje në Vjenë dhe do takohet dhe nesër për të vlerësuar takimin e sotëm.
XS
SM
MD
LG