Armata e Izraelit thotë se 15 pjesëtarë të saj janë plagosur sot gjatë luftimeve me militantët e Hezbollahut afër fshatit Taibe, në jug të Libanit. Hezbollahu thotë se pjesëtarët e tij kanë vrarë ose plagosur 10 ushtarë izraelitë dhe kanë shkatërruar tri tanke. Është raportuar se në një kamp të refugjatëve palestinezë, afër portit Sidon, janë vrarë së paku dy persona dhe 15 të tjerë janë plagosur. Izraeli ka thënë se në shënjestër ishte shtëpia e një pjesëtari të Hezbollahut. Në qytetin Mashgara në Luginën Beka, nga sulmi ajror në një ndërtesë, ku siç ishte thënë, jetonte një zyrtar i Hezbollahut, janë vrarë së paku pesë vetë.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
