Kryekleriku radikal iranian sot paralajmëroi se Teherani mund të hakmerret me raketa balistike nëse sulmohet nga Shtetet e Bashkuara dhe Izraeli.
Ayatollah Ahmad Khatami tha se Irani ka kapacitetin për të goditur Tel Avivin me raketa me rreze të mesme veprimi. Khatami tha se Izraeli dhe Shtetet e Bashkuara duhet ta dijnë që, siç tha ai, "të luajsh me Islamin është sikur të shkelësh mbi bishtin e luanit".
"Nëse udhëheqësve të tyre u shkon mendja për ndonjë sulm kundër Iranit Islamik, ata duhet ta dijnë se raketat e Hezbollahut me rreze veprimi 70 km e shndërruan Izraelin në një vend të fantazmave. Ata duhet t'i frikësohen ditës kur raketat me rreze veprimi 2 mijë km mund të bien në zemër të Tel Avivit", tha Khatami.
Ekspertët besojnë se raketat e Iranit Shahab-3 kanë rreze maksimale veprimi prej 2.000 km, të mjaftueshme për të goditur Tel Avivin apo bazat ushtarake amerikane në Gjirin Persik.
Ayatollah Ahmad Khatami tha se Irani ka kapacitetin për të goditur Tel Avivin me raketa me rreze të mesme veprimi. Khatami tha se Izraeli dhe Shtetet e Bashkuara duhet ta dijnë që, siç tha ai, "të luajsh me Islamin është sikur të shkelësh mbi bishtin e luanit".
"Nëse udhëheqësve të tyre u shkon mendja për ndonjë sulm kundër Iranit Islamik, ata duhet ta dijnë se raketat e Hezbollahut me rreze veprimi 70 km e shndërruan Izraelin në një vend të fantazmave. Ata duhet t'i frikësohen ditës kur raketat me rreze veprimi 2 mijë km mund të bien në zemër të Tel Avivit", tha Khatami.
Ekspertët besojnë se raketat e Iranit Shahab-3 kanë rreze maksimale veprimi prej 2.000 km, të mjaftueshme për të goditur Tel Avivin apo bazat ushtarake amerikane në Gjirin Persik.
