Në përpjekje për bashkëpunim më të mirë në fushën politike dhe atë ekonomike, kryeministri i Shqipërisë Sali Berisha është duke zhvilluar vizitë dy ditëshe në Turqi, ku po takohet me zyrtarët më të lartë të shtetit. Më herët, Berisha është pritur nga homologu i tij turk, Rexhep Taip Erdogan ndërsa do të ketë takime edhe me komunitetin e bisnesit turk. Ndërsa mësohet se më 12 e 13 shtator, kryeministri Berisha do të vizitojë Greqinë. Gjatë qëndrimit atje, ai do të takohet me kryeministrin grek Kostas Karamanlis si dhe me udhëheqës tjerë shtetëror.
