"Zgjidhja e statusit të Kosovës duhet ta stabilizojë rajonin e Ballkanit, e jo ta destabilizojë atë", ka deklaruar sot në Bruksel kryeministri i ri i Republikës së Maqedonisë Nikolla Gruevski, pas takimeve që zhvilloi në selinë e Bashkimit Evropian. Gruevski gjithashtu tha se çfarëdo qoftë rezultati i negciatave për statusin e Kosovës, përfshirë edhe pavarësinë, Maqedonia do ta njohë atë pavarsi. I pyetur se cili është qëndrimi i qeverisë së Maqedonisë për statusin e ardhshëm të Kosovës, ai tha se "qeveria e tij do të mbështet punën e kryenegociatorit Marti Ahtisari dhe të bashkësisë ndërkombëtare".
