Autoritetet serbe e dyshojnë Arbnor Spahiun, ish-pjesëtar i Njësisë Speciale të Policisë së Kosovës, për “vrasjen e rëndë” të tre sulmuesve serbë gjatë përleshjeve të armatosura në Banjskë, në shtator të vitit 2023. Avokati i tij, Arianit Koci, tha për Radion Evropa e Lirë se kallëzimi penal është ndërtuar nga Shërbimi serb i Inteligjencës (BIA), dhe se si dëshmitarë përmenden disa zyrtarë policorë nga Kosova.