Bota nderon sekretaren Madeleine Albright

27 prill 2022

"Ajo bëri ndryshimin e rrjedhës së historisë", "trashëgimia e saj po vazhdon të nderohet në Kosovë, Bosnjë dhe vende të tjera", ishin disa prej fjalëve dedikuar nga liderë amerikanë për ish-sekretaren amerikane të Shtetit, Madeleine Albright, e cila vdiq më 23 mars.

Të udhëhequr nga presidenti amerikan, Joe Biden, dhe paraardhësit e tij, Barack Obama dhe Bill Clinton, rreth 1,400 veta u mblodhën më 27 prill në Katedralen Kombëtare të Uashingtonit, për të kujtuar arritjet e saj.

Presidenti Biden vlerësoi lart kontributin e Albrightit.

"Emri i saj është ende sinonim për Amerikën si forcë për të mirë në botë", tha Biden, duke kujtuar se gjatë shërbimit si ambasadore në Kombet e Bashkuara dhe më pas në postin e sekretares së Shtetit, Albright ndihmoi në "ndaljen e gjenocidit në Ballkan".

“Me mirësinë, humanizmin dhe intelektin e saj, ajo bëri ndryshimin e rrjedhës së historisë. Ne sot nderojmë një amerikane krenare, e cila na bëri të gjithë ne që të jemi më krenarë që jemi amerikanë”, tha Biden.

Presidenti amerikan, Joe Biden, gjatë fjalimit të Katedralen Kombëtare të Uashingtonit. 27 pill 2022.

Ish-presidenti amerikan, Bill Clinton, kujtoi udhëtimin e fundit me Albrightin në Kosovë, në 20-vjetorin e ndërhyrjes së NATO-s.

Ai tha se trashëgimia e Albrightit për kontributin në Kosovë, Bosnjë dhe shtete të tjera, vazhdon të nderohet.

"Kaluam një ditë të lumtur së bashku dy vjet më parë në Kosovë, 20 vjet pas konfliktit atje. I çliruam nga rreziku real i gjenocidit. Ecëm dorë për dore në rrugët e Prishtinës, në një ditë me diell të qershorit. Rrugëve kishin dalë çerek milion persona, që është numër i madh njerëzish në një shtet të vogël si Kosova. Dhe arritëm te subjekti i shëtitjes sonë, që ishte një bust i bukur i Madeleine që ishte nderimi i tyre për ndihmën e saj. E shohim nderimin e trashëgimisë së saj për të gjitha gjërat që ka bërë për Kosovën, Bosnjë dhe e shohim në shumë mënyra", tha ai.

"Sot këtu me ne është presidentja, ish-presidentja dhe kryeministri i Kosovës. Po ashtu këtu është edhe ish-ministri i Jashtëm i Bosnjë e Hercegovinës. U desh të ndodhte masakra e Srebrenicës që të kishim mblidheshin mjaftueshëm njerëz që të bëhej ajo që sot po bëhet në një mënyrë tjetër në tentim për ta shpëtuar Ukrainën", shtoi Clinton.

Liderët amerikanë vlerësojnë kontributin e sekretares Albright

1/12 Presidenti i Shteteve të Bashkuara, Joe Biden, nderon ish-sekretaren amerikane të Shtetit, Madeleine Albright, teksa arkivoli i saj arrin në Katedralen Kombëtare të Uashingtonit më 27 prill 2022.

2/12 Në ceremoninë përkujtuese kushtuar ish-sekretares Albright morën pjesë edhe ish-presidenti amerikan, Barack Obama, ish-presidenti Bill Clinton dhe ish-sekretarja e Shtetit, Hillary Clinton.

3/12 Në fjalimin e tij, presidenti amerikan, Joe Biden, tha se Madeleine Albright ka ndryshuar rrjedhën e historisë. Ai tha se Albright, në cilësinë e sekretares së Shtetit ndihmoi në ndaljen e gjenocidit në Ballkanin Perëndimor.

4/12 Në ceremoninë përkujtuese morën pjesë edhe ish-sekretarët e Shtetit, Condoleezza Rice dhe John Kerry, si dhe sekretari amerikan i Mbrojtjes, Lloyd Austin.

5/12 Albright ishte emëruar sekretare e Shtetit në mandatin e dytë presidencial të Bill Clintonit. Ajo ishte gruaja e parë që ka shërbyer në këtë post.

6/12 Ish-presidenti Bill Clinton në fjalimin e tij kujtoi vizitën e fundit që kishte realizuar me ish-sekretaren Albright në Kosovë dy vjet më parë. Ai tha se ajo ishte një ditë e lumtur për të dy, teksa morën pjesë në zbulimin e bustit në Prishtinë dedikuar ish-sekretares Albright.

7/12 Në ceremoninë përkujtuese kushtuar ish-sekretares Albright morën pjesë rreth 1,400 persona, përfshirë edhe ish-presidentja e Kosovës, Atifete Jahjaga, presidentja Vjosa Osmani dhe kryeministri Albin Kurti.

8/12 Ish-sekretarja amerikane e Shtetit, Hillary Clinton, tha se bota duhet të ndjekë shembullin e Albrightit dhe të ngrihet kundër diktatorëve dhe demagogëve.

9/12 Vajzat e ish-sekretares Albright, Anne, Katharine dhe Alice, kujtuan nënën e tyre gjatë ceremonisë të mbajtur në Uashington më 27 prill.

10/12 Të pranishëm në këtë ceremoni ishin edhe presidentja e Kosovës, Vjosa Osmani, kryeministri Albin Kurti dhe ish-presidentja Atifete Jahjaga.

Ish-sekretarja amerikane e Shtetit, Madeleine Albright vlerësohet si një prej personave që ka shtyrë përpara vendimin që aleanca e NATO-s të ndërhynte në Kosovë, ndërhyrje që çoi në çlirimin e Kosovës. — 11/12 Ish-sekretarja amerikane e Shtetit, Madeleine Albright vlerësohet si një prej personave që ka shtyrë përpara vendimin që aleanca e NATO-s të ndërhynte në Kosovë, ndërhyrje që çoi në çlirimin e Kosovës.

12/12 Madeleine Albright vdiq nga kanceri në moshën 84-vjeçare.

Ndërkaq, ish-sekretarja amerikane e Shtetit, Hillary Clinton, tha se lufta në Ukrainë, kërkon që edhe një herë bota të ndjekë shembullin e Albrightit dhe qëllimin që kishte ajo gjatë punës si sekretare e Shtetit.

“Ngrihuni kundër diktatorëve dhe demagogëve, nga fushëbetejat e Ukrainës deri në korridoret e institucioneve tona, mbroni demokracinë në shtëpi me aq vendosmëri siç e bëjmë jashtë vendit”, tha Clinton.

Albright, e zgjedhur nga Clinton, ka qenë gruaja e parë amerikane në pozitën e sekretares së Shtetit.

Ajo ka vdekur nga kanceri në moshën 84-vjeçare.

Kontributi i Madeleine Albright për çlirimin e Kosovës

1/28 Takimi ndërmjet ish-presidentit të Kosovës, Ibrahim Rugova dhe ish-sekretares amerikane të Shtetit, Madeleine Albright në Departamentin amerikan të Shtetit. 30 maj 1998.

Ish-sekretarja amerikane e Shtetit, Madeleine Albright, duke dhënë dëshmi para një nënkomiteti të Senatit amerikan më 16 qershor 1998. Albright deklaroi para këtij trupi se ishte bërë pak përparim në Kosovë në bisedimet midis presidentit të atëhershëm rus, Boris Yeltsin, dhe liderët të asaj kohe të Jugosllavisë, Sllobodan Millosheviq. <br /> — 2/28 Ish-sekretarja amerikane e Shtetit, Madeleine Albright, duke dhënë dëshmi para një nënkomiteti të Senatit amerikan më 16 qershor 1998. Albright deklaroi para këtij trupi se ishte bërë pak përparim në Kosovë në bisedimet midis presidentit të atëhershëm rus, Boris Yeltsin, dhe liderët të asaj kohe të Jugosllavisë, Sllobodan Millosheviq.

Ish-sekretarja amerikan e Shtetit, Madeleine Albright, duke folur gjatë një konference për media në Bruksel më 8 tetor 1998. Ajo kishte deklaruar se i dërguari i posaçëm i SHBA-së për Ballkanin, Richard Holbrooke, ishte nisur në Beograd për një përpjekje të re për ta bindur presidentin e atëhershëm jugosllav, Sllobodan Millosheviq, që t'i jepte fund dhunës në Kosovë. — 3/28 Ish-sekretarja amerikan e Shtetit, Madeleine Albright, duke folur gjatë një konference për media në Bruksel më 8 tetor 1998. Ajo kishte deklaruar se i dërguari i posaçëm i SHBA-së për Ballkanin, Richard Holbrooke, ishte nisur në Beograd për një përpjekje të re për ta bindur presidentin e atëhershëm jugosllav, Sllobodan Millosheviq, që t'i jepte fund dhunës në Kosovë.

Ish-sekretarja amerikane e Shtetit, Madeleine Albright, në selinë e NATO-s në Bruksel më 8 dhjetor 1998. Gjatë takimit që u mbajt atë ditë, ministrat e Jashtëm të aleancës kishin diskutuar për Ballkanin dhe kishin hartuar një draft-strategji të re për këtë rajon. Situata në Kosovë, gjatë këtij takimi, ishte vlerësuar si çështje me shqetësim të lartë për NATO-n. <br /> — 4/28 Ish-sekretarja amerikane e Shtetit, Madeleine Albright, në selinë e NATO-s në Bruksel më 8 dhjetor 1998. Gjatë takimit që u mbajt atë ditë, ministrat e Jashtëm të aleancës kishin diskutuar për Ballkanin dhe kishin hartuar një draft-strategji të re për këtë rajon. Situata në Kosovë, gjatë këtij takimi, ishte vlerësuar si çështje me shqetësim të lartë për NATO-n.

Ish-sekretarja amerikane e Shtetit, Madeleine Albright, gjatë një takimi me ish-presidentin e Kosovës, Ibrahim Rugova më 10 dhjetor 1998. Ky takim u mbajt në Francë, ku Albright ishte takuar ehde me presidentin e atëhershëm të Francës, Jacques Chirac, me të cilin kishte biseduar për përpjekjet e udhëhequra nga NATO për arritjen e paqes në Kosovë. <br /> — 5/28 Ish-sekretarja amerikane e Shtetit, Madeleine Albright, gjatë një takimi me ish-presidentin e Kosovës, Ibrahim Rugova më 10 dhjetor 1998. Ky takim u mbajt në Francë, ku Albright ishte takuar ehde me presidentin e atëhershëm të Francës, Jacques Chirac, me të cilin kishte biseduar për përpjekjet e udhëhequra nga NATO për arritjen e paqes në Kosovë.

Ish-sekretarja amerikane e Shtetit, Madeleine Albright, së bashku me ministrin e atëhershëm rus,  Igor Ivanov, gjatë një ceremonie të mbajtur më 26 janar 1999 në Rusi. Gjatë kësaj vizite në Rusi, Albright kishte diskutuar me homologët e saj rusë për një sërë çështjes, përfshirë edhe situatën në Kosovë. <br /> — 6/28 Ish-sekretarja amerikane e Shtetit, Madeleine Albright, së bashku me ministrin e atëhershëm rus, Igor Ivanov, gjatë një ceremonie të mbajtur më 26 janar 1999 në Rusi. Gjatë kësaj vizite në Rusi, Albright kishte diskutuar me homologët e saj rusë për një sërë çështjes, përfshirë edhe situatën në Kosovë.

7/28 Ish-sekretarja amerikane e Shtetit, së bashku me të dërguarin e atëhershëm të SHBA-së, Christopher Hill, ndërmjetësojnë takimin ndërmjet liderit të atëhershëm të shqiptarëve të Kosovës, Ibrahim Rugova dhe përfaqësuesve të delegacionit serb të përbërë nga Ratko Markoviq dhe Nikolla Shainoviq. Ky ishte takimi i parë kokë më kokë ndërmjet përfaqësuesve të Kosovës dhe Serbisë. Takimi u mbajt më 14 shkurt 1999 në Kështjellën e Rambujesë në Francë dhe erdhi pas ngecjeve në bisedimet e paqes.

8/28 Takimi i 14 shkurtit të vitit 1999 i kryesuar nga ish-sekretarja Madeleine Albright. Në këtë takim, në Rambuje, u takuan delegacioni i Kosovës dhe Serbisë. Grupi i Kontaktit, i fuqive botërore, kishte urdhëruar negociatorët që të arrinin një marrëveshje të paqes brenda javës ose do të përballeshin me sulme ajrore.

Ish-sekretarja amerikane e Shtetit, Madeleine Albright, gjatë një paraqitjeje për gazetarët nga Ramubjeja më 14 shkurt 1999. Ajo i dha ultimatum Kosovës dhe Serbisë që të arrinin një marrëveshje të paqes, pasi për disa javë bisedimet e paqes kishin ngecur. <br /> — 9/28 Ish-sekretarja amerikane e Shtetit, Madeleine Albright, gjatë një paraqitjeje për gazetarët nga Ramubjeja më 14 shkurt 1999. Ajo i dha ultimatum Kosovës dhe Serbisë që të arrinin një marrëveshje të paqes, pasi për disa javë bisedimet e paqes kishin ngecur.

10/28 Ish-sekretarja amerikane e Shtetit, Madeleine Albright, së bashku me homologët e saj francezë dhe gjermanë, gjatë një konference pas takimit të fundit të Grupit të Kontaktit në Rambuje, më 20 shkurt 1999. Fuqitë botërore, që përbënin këtë grup kontakti, kishin vendosur afat për Kosovën dhe Serbinë që të arrinin një marrëveshje të paqes.

11/28 Ish-sekretarja amerikane e Shtetit, Madeleine Albright, gjatë një prononcimi për media nga Rambuje më 21 shkurt 1999. Në këtë adresim, ajo kishte fajësuar serbët për mungesën e progresit në bisedime, pasi Beogradi kishte refuzuar praninë e paqeruajtësve të NATO-s në terren.

12/28 Ish-sekretarja amerikane e Shtetit, Madeleine Albright, duke shkuar në një rund bisedimesh midis serbëve dhe shqiptarëve që u mbajt më 23 shkurt në Rambuje të Francës.

13/28 Konferenca e fundit e përfaqësuesve të Grupit të Kontaktit në bisedimet për Kosovën që u mbajt në Rambuje më 23 shkurt 1999. Përfaqësuesit ndërkombëtarë thanë se është arritur marrëveshje për një autonomi substanciale për Kosovën, pas bisedimeve midis përfaqësuesve të shqiptarëve të Kosovës dhe serbëve.

Ish-sekretarja amerikane e Shtetit, Madeleine Albright, gjatë një konference në Uashington më 22 mars 1999 tha se është e qartë se "koha po mbaron" për presidentin e atëhershëm të Jugosllavisë, Sllobodan Millosheviq, për të nënshkruar marrëveshjen e paqes, teksa e kishte paralajmëruar se në të kundërtën do të përballej me sulmet ajrore të NATO-s. <br /> — 14/28 Ish-sekretarja amerikane e Shtetit, Madeleine Albright, gjatë një konference në Uashington më 22 mars 1999 tha se është e qartë se "koha po mbaron" për presidentin e atëhershëm të Jugosllavisë, Sllobodan Millosheviq, për të nënshkruar marrëveshjen e paqes, teksa e kishte paralajmëruar se në të kundërtën do të përballej me sulmet ajrore të NATO-s.

15/28 Ish-presidenti i SHBA-së, Bill Clinton, gjatë një takimi me këshilltarët e politikës së jashtme dhe ish-sekretaren amerikane të Shtetit, Madeleine Albright, në Zyrën Ovale më 25 mars 1999, takim në të cilin u diskutua për bombardimin e Jugosllavisë nga NATO-ja.

16/28 Ish-presidenti i SHBA-së, Bill Clinton, gjatë një takimi me këshilltarët e politikës së jashtme dhe ish-sekretaren, Madeleine Albright, në Zyrën Ovale më 25 mars 1999, takim në të cilin u diskutua për bombardimin e Jugosllavisë nga NATO-ja.

17/28 Ish-sekretarja amerikane e Shtetit, Madeleine Albright, gjatë një takimi me ish-sekretarin e Jashtëm britanik, Robin Cook. Të dy morën pjesë në një takim urgjent të NATO-s në Bruksel që u mbajt më 12 prill 1999. Të 19 ministrat e NATO-s kishin biseduar për planin e tyre ushtarak dhe politik, por edhe humanitar për krizën në Kosovë.

18/28 Ish-sekretarja amerikane e Shtetit, Madeleine Albright, duke dhënë dëshmi më 20 prill 1999 para Komitetit për Punë të Jashtme të Senatit amerikan lidhur me luftën në Kosovë. Një ditë para kësaj dëshmie, NATO kishte bombardua Jugosllavinë, por nuk kishte mundur që të ndihmonte qindra-mijëra shqiptarë, që kishin ikur nga shtëpitë e tyre dhe ishin fshehur në male.

19/28 Ish-presidenti amerikan, Bill Clinton, gjatë një konference për media me ish-sekretaren amerikane të Shtetit, Madeleine Albright, në përvjetorin e 50 të NATO-s më 25 prill 1999. Liderët e NATO-s ishin zotuar se do të mbronin të shtatë shtetet me të cilat kufizohej Jugosllavia, nëse forcat serbe do t’i sulmonin ato. NATO në këtë takim po ashtu u zotua se do të vazhdojë sulmet ajrore në Kosovë.

20/28 Ish-sekretarja amerikane e Shtetit, Madeleine Albright, në një konferencë të përbashkët për media më 30 prill 199 me kryeprokuroren në Tribunalin e Hagës për krime lufte n[ë Ballkan, Louise Arbour. Arbour kishte folur për përpjekjet për të nisur hetimet për krime lufte në Kosovë.

21/28 Ish-sekretarja amerikane e Shtetit, Madeleine Albright, duke folur për media pas një takimi me përfaqësuesit e Kosovës Rexhep Qosja, Hashim Thaçi dhe Ibrahim Rugova në Këln të Gjermanisë më 8 qershor 1999. Po atë ditë, Albright ishte takuar me liderët e Grupit G8 me të cilit bisedoi për situatën në Kosovë.

22/28 Ish-sekretarja amerikane e Shtetit, Madeleine Albright, duke biseduar me një oficer amerikan në bazën Petrovac në afërsi të Shkupit më 11 qershor, 1999. Albright kishte shkuar në Shkup vetëm pak kohë para se trupat e NATO-s të hynin në Kosovë.

23/28 Ish-sekretarja amerikane e Shtetit, Madeleine Albright, duke mbajtur në duar një refugjatë kosovar gjatë vizitës së saj më 11 qershor 1999 në një kamp refugjatësh në Maqedoninë e Veriut. Albright kishte shkuar në Shkup vetëm pak kohë para se trupat e NATO-s të hynin në Kosovë.

24/28 Ish-sekretarja amerikane e Shtetit, Madeleine Albright, gjatë arritjes në aeroportin e Prishtinës më 29 korrik 1999. Albright, që ka luajtur rol kyç në vendimin që NATO të ndërhynte në çlirimin e Kosovës, gjatë kësaj vizite i kishte bërë thirrje serbëve që të mos largohen nga Kosova, por të ndihmojnë në krijimin e një shoqërie multietnike.

Ish-sekretarja amerikane e Shtetit, Madeleine Albright, pozon për një fotografi grupore me përkthyesit shqiptar në Kampin Bondsteel. Korrik 1999.<br /> — 25/28 Ish-sekretarja amerikane e Shtetit, Madeleine Albright, pozon për një fotografi grupore me përkthyesit shqiptar në Kampin Bondsteel. Korrik 1999.

26/28 Ish-sekretarja amerikane e Shtetit, Madeleine Albright, duke përshëndetur qytetarët në qendër të Prishtinës, që kishin dalë për ta dëgjuar fjalimin e saj më 29 korrik, 1999. Gjatë këtij fjalimi ajo tha se fuqitë perëndimore e mbështesin fuqishëm një Kosovë multientike.

27/28 Ish-presidenti amerikan, Bill Clinton, duartroket, teksa Madeleine Albright shikon zbulimin e bustit dedikuar saj në Prishtinë, që u zbulua në 20-vjetorin e hyrjes së trupave të NATO-s në Kosovë. Prishtinë, 12 qershor 2019.

28/28 Ish-sekretarja amerikane e Shtetit, Madeleine Albright, gjatë fjalimit në ceremoninë për 20-vjetorin e hyrjes së trupave të NATO-s në Kosovë. Prishtinë, 12 qershor 2019.

Në ceremoninë përkujtimore, ishte i pranishëm edhe sekretari aktual i Shtetit, Antony Blinken, dhe paraardhësit e tij, Condoleezza Rice dhe John Kerry.

Po ashtu të pranishëm ishin edhe sekretari amerikan i Mbrojtjes, Lloyd Austin, drejtori i CIA-s, Bill Burns, dhe këshilltari i Sigurisë Kombëtare të Shtëpisë së Bardhë, Jake Sullivan.

Nga autoritetet e huaja që morën pjesë ishin edhe presidentja e Kosovës, Vjosa Osmani, kryeministri Albin Kurti, ish-presidentja Atifete Jahjaga si dhe zyrtarë të lartë nga Bosnje e Hercegovina, Republika Çeke dhe Kolumbia.

Përmes një postimi në Facebook, Osmani tha se Albright ishte zë i fuqishëm për popullin e Kosovës.

"Jemi përgjithmonë falënderues për kontributin e jashtëzakonshëm të sekretares Albright për t’i dhënë fund gjenocidit serb në Kosovë, si dhe mbështetjes së saj të vazhdueshme për Kosovën e lirë, të pavarur, të zhvilluar e me vendin e merituar në arenën ndërkombëtare", shkroi Osmani.

Albright ka lindur në Çekosllovakinë e atëhershme, por familja e saj është larguar dy herë - fillimisht nga nazistët dhe më pas nga sundimi sovjetik.

Ata kanë përfunduar në Shtetet e Bashkuara, ku Albright ka studiuar në Kolegjin Wellesley. Gjatë viteve, ajo është ngjitur në qarqet e politikës së jashtme të Partisë Demokratike, për t’u bërë fillimisht ambasadore në Kombet e Bashkuara.

Clinton e ka zgjedhur sekretare të Shtetit në vitin 1996, për mandatin e tij të dytë presidencial.

Edhe pse nuk ka qenë kurrë në radhë për presidente, për shkak të lindjes në një vend të huaj, Albright është admiruar pothuajse nga të gjithë, përfshirë edhe kundërshtarët e saj politikë.

Si një refugjate çeke që ka parë tmerret e Gjermanisë naziste dhe të Perdes së Hekurt, ajo nuk ka qenë e butë.

Si sekretare e Shtetit, ajo ka luajtur një rol kyç për të bindur administratën Clinton, që të luftojë udhëheqësin jugosllav, Sllobodan Millosheviq, për trajtimin që u ka bërë shqiptarëve të Kosovës në vitin 1999. Ndërhyrja e NATO-s në Kosovë është cilësuar si “Lufta e Madeleinet”.

Albright, sekretarja që mbështeti përpjekjet për çlirim

Bashkëngjite

Albright, sekretarja që mbështeti përpjekjet për çlirim

nga Radio Evropa e Lirë

Bashkëngjite

gjerësia px lartësia px

Materiali aktualisht nuk është në dispozicion.

0:00 0:02:43 0:00

Si ambasadore e OKB-së, ajo ka udhëhequr një politikë të ashpër të SHBA-së, sidomos kundër Millosheviqit, për shkak të luftës së tij në Bosnje, në vitet ’90.

Ajo ka mbajtur qëndrim të ashpër edhe ndaj Kubës. Në një fjalim në Kombet e Bashkuara, ajo ka thënë se rrëzimi i një aeroplani civil, më 1996, nga Kuba, nuk ka qenë akt “i guximshëm”, por “frikacak”.

Në vitin 2012, Obama i ka dhënë Albrightit Medaljen Presidenciale të Lirisë - që është nderimi më i lartë civil i vendit - duke thënë se jeta e saj ka qenë frymëzuese për të gjithë amerikanët.

E lindur si Marie Jana Korbel në Pragë, më 15 maj, 1937, ajo ka qenë vajza e diplomatit Joseph Korbel.

Familja ka qenë hebreje, por është konvertuar në katolicizmin romak, kur ajo ka qenë 5 vjeçe. Tre nga gjyshërit e saj hebrenj kanë vdekur në kampe të përqendrimit.

Këndvështrimi i Albrightit thuhet se është formuar pjesërisht nga prejardhja e saj. Familja e saj është larguar nga Çekosllovakia në vitin 1939, pasi nazistët kanë pushtuar këtë vend. Vitet e luftës, ajo i ka kaluar në Londër.

Ndizen qirinj në nderim të ish-sekretares Albright

Qytetarë dhe politikanë, mbrëmjen e 25 marsit ndezën qirinj pranë bustit të ish-sekretares amerikane të Shtetit, Madeleine Albright, e cila vlerësohet si një prej personave që ka shtyrë përpara vendimin që aleanca e NATO-s të ndërhynte në Kosovë, që i dha fund luftës më 1999. — 1/8 Qytetarë dhe politikanë, mbrëmjen e 25 marsit ndezën qirinj pranë bustit të ish-sekretares amerikane të Shtetit, Madeleine Albright, e cila vlerësohet si një prej personave që ka shtyrë përpara vendimin që aleanca e NATO-s të ndërhynte në Kosovë, që i dha fund luftës më 1999.

Ambasadori amerikan në Prishtinë, Jeffrey Hovenier, tha se SHBA-ja është mirënjohëse për respektin që populli i Kosovës ka ndaj ish-sekretares Albright. <br />
"Mendoj se Kosova është një prej trashëgimeve të saj më të mëdha. Jemi të prekur nga mbështetja dhe nderimi për sekreten Albirght, dhe vlerësojmë gjestin e mbrëmjes së sotme, por edhe gjeste të tjera që prej dje për njohjen e kontributit të saj për paqe, sigurinë dhe stabilitetin këtu në Kosovë", tha ai.  <br /> — 2/8 Ambasadori amerikan në Prishtinë, Jeffrey Hovenier, tha se SHBA-ja është mirënjohëse për respektin që populli i Kosovës ka ndaj ish-sekretares Albright.
"Mendoj se Kosova është një prej trashëgimeve të saj më të mëdha. Jemi të prekur nga mbështetja dhe nderimi për sekreten Albirght, dhe vlerësojmë gjestin e mbrëmjes së sotme, por edhe gjeste të tjera që prej dje për njohjen e kontributit të saj për paqe, sigurinë dhe stabilitetin këtu në Kosovë", tha ai.

3/8 Madeleine Albright, gjatë një interviste dhënë për Radion Evropa e Lirë më 2009, kishte deklaruar se ndërhyrja e NATO-s në Kosovë ishte bërë "në emër të lirisë".

4/8 Krerët shtetërorë të Kosovës kanë thënë se ish-sekretarja Albright ishte "mike e madhe e Kosovës" deri në fund të jetës së saj.

5/8 Për kontributin e ish-sekretares Albright dhënë për çlirimin e Kosovës, në Prishtinë, më 2019 u zbulua busti dedikuar saj.

Më 2019, Kosova e kishte dekoruar ish-sekretaren Albright me Urdhrin e Lirisë. — 6/8 Më 2019, Kosova e kishte dekoruar ish-sekretaren Albright me Urdhrin e Lirisë.

7/8 Madeleine Albright ishte gruaja e parë e emëruar sekretare e Shtetit. Ajo në këtë post kishte shërbyer nga viti 1997 deri më 2001, në administratën e ish-presdientit, Bill Clinton.

8/8 Presidentja e Kosovës, Vjosa Osmani, e ka shpallur 25 marsin ditë zie kombëtare për nder të ish-sekretares amerikane të Shtetit, Madeleine Albright.

Pas luftës, kur Bashkimi Sovjetik ka pushtuar pjesë të mëdha të Evropës Lindore, familja e saj ka migruar në Shtetet e Bashkuara.

Ata janë vendosur në Denver, ku babai i saj ka ligjëruar në Universitetin e Denverit. Një nga studentët më të mirë të Korbelit ka qenë Condoleezza Rice, e cila më vonë do ta pasonte vajzën e tij si sekretare e Shtetit.

Albright ka diplomuar në Kolegjin Wellesley në vitin 1959.

Ajo ka punuar si gazetare dhe më vonë ka studiuar marrëdhëniet ndërkombëtare në Universitetin e Kolumbias. Pasi ka marrë diplomën master në vitin 1968 dhe doktoraturën në vitin 1976, ajo ka hyrë në politikë.