Ndërlidhjet

Biden bëhet presidenti i 46-të i Shteteve të Bashkuara

Amerikanët kanë mirëpritur të mërkurën një president të ri në Shtëpinë e Bardhë. Joe Biden bëri betimin si presidenti i 46-të i Shteteve të Bashkuara.


Presidenti i SHBA-së, Joe Biden.

Përmbledhja

  • Demokrati Joe Biden u inaugurua të mërkurën si presidenti i 46-të i Shteteve të Bashkuara. Kamala Harris po ashtu bëri betimin si nënpresidente.
  • Biden, 78 vjeç, është presidenti më i vjetër amerikan që merr detyrën.
  • Ai i ka fituar zgjedhjet presidenciale të 3 nëntorit, 2020, kundrejt presidentit të deritanishëm, Donald Trump. Kongresi e ka miratuar fitoren e tij më 6 janar.
  • Inaugurimi është një ceremoni zyrtare që shënon fillimin e një presidence të re në Shtetet e Bashkuara dhe, sipas ligjit, zhvillohet më 20 janar në Uashington.
  • Presidenti bëri betimin me fjalët: “Betohem solemnisht se do ta përmbush me besnikëri detyrën time si president i Shteteve të Bashkuara dhe se do ta ruaj dhe mbroj më së miri Kushtetutën e Shteteve të Bashkuara”.
  • Ceremonia e inaugurimit sivjet ishte ndër më të pazakonshmet në historinë e Shteteve të Bashkuara. Ajo u zhvillua nën masa të pashembullta të sigurisë, të cilat pasuan dhunën e 6 janarit në ndërtesën e Kongresit.
  • Presidenti i deritanishëm, Donald Trump, nuk mori pjesë në ceremoni.
  • Pjesëmarrja e publikut në inaugurim ishte po ashtu rreptësisht e kufizuar, për shkak të pandemisë së koronavirusit.
23:42 20.1.2021

Të dashur lexues, këtu e mbyllim mbulimin e drejtpërdrejtë të inaugurimit të presidentit amerikan, Joe Biden. Faleminderit që na ndoqët!

23:38 20.1.2021

Në këtë video mund të shikoni se si ka rrjedhur dita e inaugurimit të presidentit të ri të Shteteve të Bashkuara, Joe Biden:

Dita e Bidenit
Ju lutem të prisni
Embed

No media source currently available

0:00 0:03:51 0:00

23:29 20.1.2021

Biden zhbën disa politika të Trumpit

Presidenti i Shteteve të Bashkuara, Joe Biden, nënshkroi disa urdhra ekzekutivë që zhbëjnë disa politika të paraardhësit të tij, Donald Trump.

Urdhri i parë i tillë e bën të detyrueshme veshjen e maskës nga punonjësit federalë, si masë për parandalimin e përhapjes së koronavirusit.

Me urdhrat e tjerë të nënshkruar nga Biden, mes tjerash, ndalohet ndërtimi i murit në kufirin e SHBA-së me Meksikën, hiqen ndalesat e udhëtimit nga disa vende kryesisht me shumicë myslimane, si dhe anulohet vendimi për tërheqjen e SHBA-së nga Marrëveshja e Parisit për Klimën.

Biden bëri betimin e presidentit të mërkurën në mesditë, sipas kohës lokale.

“Nuk ka kohë për të humbur kur bëhet fjalë për trajtimin e krizave me të cilat përballemi”, shkroi Biden më herët në Twitter.

23:15 20.1.2021

Biden merr përsipër llogarinë @POTUS në Twitter

Presidenti i ri i Shteteve të Bashkuara, Joe Biden, mori përsipër llogarinë në Twitter të presidentit amerikan

“Nuk ka kohë për të humbur kur bëhet fjalë për trajtimin e krizave me të cilat përballemi”, shkroi mes tjerash Biden nga llogaria @POTUS.

POTUS është akronim për presidentin e Shteteve të Bashkuara të Amerikës.

Twitter e ka transferuar llogarinë @POTUS tek administrata Biden pak minuta pasi presidenti i ri ka bërë betimin.

Twitter e ka pastruar llogarinë nga ndjekësit përpara se të bënte tranzicionin.

Që atëherë, llogaria ka mbledhur mbi 3.6 milionë ndjekës të rinj.

Trego më shumë

XS
SM
MD
LG