Krejt çfarë ndodhi në ditën e katërt të operacionit SHBA-Izrael kundër Iranit

3 mars 2026

SHBA-ja dhe Izraeli i vazhduan sulmet ndaj Iranit, ndërsa Teherani kundërgodet objektivat amerikane në rajon.
Presidenti amerikan, Donald Trump, tha se Irani dëshiron bisedime, por shtoi se “tani është tepër vonë për të folur”.
Trump theksoi gjithashtu se pothuajse “gjithçka është rrënuar” në Iran.
Ambasada amerikane në Riad u sulmua me dronë, ndërsa ajo në Kuvajt u mbyll përkohësisht për shkak të tensioneve rajonale.
Sulmet e përbashkëta të Izraelit dhe SHBA-së ndaj Iranit nisën më 28 shkurt, me synimin për të frenuar programin bërthamor iranian.

06:50 3.3.2026

Të dashur lexues, mirëmëngjesi!

Konflikti me Iranin ka hyrë sot në ditën e katërt.

Sulmet dhe retorika sa vijnë e ashpërsohen.

Radio Evropa e Lirë do të bëjë mbulimin direkt të ngjarjeve minutë pas minute.

Me ju në orët në vazhdim do të jem unë Valona Tela.

Ndërlidhjet