Thaçi dhe Krasniqi dënohen me nga 25 vjet burgim për krime lufte, Veseli me 18, Selimi me 13

16 shtator 2026 E përditësuar 3 orë më herët

Valona Tela dhe
Mimoza Sadiku

Gjykata Speciale në Hagë i shpalli katër ish-krerët e UÇK-së fajtorë për katër akuza për krime lufte, ndërsa i liroi nga akuzat për krime kundër njerëzimit.
Hashim Thaçi dhe Jakup Krasniqi u dënuan me nga 25 vjet burgim, ndërsa Kadri Veseli me 18 dhe Rexhep Selimi me 13.
Aktgjykimi është i shkallës së parë dhe avokatët mbrojtës kanë paralajmëruar se do ta apelojnë atë.
SHBA-ja dhe shtetet e tjera kanë bërë thirrje që të respektohet vendimi.

11:38 16.9.2026

Jakup Krasniqi dënohet me 25 vjet burgim

Jakup Krasniqi shpallet fajtor për krime lufte, përfshirë ndalim arbitrar, trajtim mizor, torturë dhe vrasje të paligjshme.

11:42 16.9.2026

Kadri Veseli dënohet me 18 vjet burgim

Kadri Veseli është dënuar me 18 vjet burgim nga Dhomat e Specializuara në Hagë.

Trupi gjykues e shpalli Veselin fajtor për krime lufte, përfshirë ndalimin e paligjshëm ose arbitrar, trajtimin mizor, torturën dhe vrasjen e paligjshme.

11:45 16.9.2026

Rexhep Selimi dënohet me 13 vjet burgim

Rexhep Selimi është dënuar me 13 vjet burgim nga Dhomat e Specializuara në Hagë.

Trupi gjykues e shpalli Selimin fajtor për krime lufte, përfshirë trajtimin mizor, torturën dhe vrasjen e paligjshme.

11:48 16.9.2026

Shpallja e vendimit për Thaçin

Gjykata Speciale: Thaçi dënohet me 25 vjet burgim për krime lufte

nga Radio Evropa e Lirë

Materiali aktualisht nuk është në dispozicion.

0:00 0:03:20 0:00

Shfaq më shumë