Tërmeti prej 7.7 ballësh, në Pakistan e Afganistan, që mori jetën e qindra personave, një festival gjuetie në Kirgistan dhe rrëzimi i një avioni rus, në Sinai më 31 tetor, janë vetëm disa nga ngjarjet kryesore të javës që po lëmë pas, prej nga Radio Evropa e Lirë sjell fotografi të përzgjedhura.
Fotografitë e javës
2
Të afërmit e udhëtarëve që gjendeshin në një avion rus, që u rrëzua në Sinai më 31 tetor, presin lajme për fatin e familjarëve në aeroportin ndërkombëtar "Pulkovo II" në Shën Petersburg.
3
Një grua refugjate gjysmë e fundosur në ujë, arrin në ishullin grek Lesbos, nga Turqia.
4
Pasagjerët evakuohen nga një aeroplan që kishte marrë zjarr në aeroportin e Fort Lauderdale, Florida. Disa persona u plagosën kur motori i aeroplanit reaktiv u kaplua nga zjarri, derisa po përgatitej për fluturim.
5
Një vajzë e vogël pret për ndihma humanitare jashtë shtëpisë së saj, e cila u shkatërrua në një tërmet prej 7.7 ballësh, në Reshun, Chitral Valley, Pakistan. Rreth 400 vetë u vranë në Afganistan dhe Pakistan nga tërmeti.
