Pushtimi rus i Ukrainës

24 shkurt 2022

Rusia ka nisur pushtimin e paprovokuar të Ukrainës më 24 shkurt. Presidenti rus, Vladimir Putin, e ka cilësuar si "operacion special". Perëndimi e ka dënuar ashpër pushtimin dhe ka vendosur një varg sanksionesh të rënda kundër Rusisë.

Presidenti i Rusisë, Vladimir Putin, urdhëroi një “operacion ushtarak” në Ukrainë, në orën 5:55 të mëngjesit të 24 shkurtit, 2022. Disa minuta më vonë pasuan granatimet e para.
Presidenti i Ukrainës, Volodymyr Zelensky, shpalli gjendje lufte në vend.
Shtetet e Bashkuara, Bashkimi Evropian dhe NATO-ja e dënuan sulmin dhe u zotuan se do ta mbajnë Rusinë përgjegjëse.
Më 21 shkurt, presidenti rus, Vladimir Putin, ka marrë vendim për njohjen e rajoneve separatiste të Ukrainës, Donjeck dhe Luhansk, si shtete të pavarura, dhe ka urdhëruar vendosjen e forcave ruse në ato territore. Perëndimi e ka dënuar fuqishëm këtë veprim, duke e cilësuar si uvertyrë për pushtim të plotë.
Rusia ka grumbulluar më shumë se 150,000 forca të armatosura dhe pajisje të rënda ushtarake në kufijtë me Ukrainën - gjë të cilën NATO-ja e ka përshkruar si grumbullimin më të madh ushtarak në kontinentin evropian që nga fundi i Luftës së Ftohtë.
Udhëheqësi rus po përpiqet të parandalojë anëtarësimin e Ukrainës në NATO - gjë të cilën e ka cilësuar si kërcënim ekzistencial - dhe të ndalojë zgjerimin e aleancës perëndimore drejt lindjes.

21:08 18.3.2022

Rrëfimi i Dallkut për shokët e mbetur në Ukrainë

Derisa jemi duke raportuar drejtpërsëdrejti për luftimet në Ukrainë, po sjellim tek ju edhe njëherë rrëfimin e ish-futbollistit kosovar, Armend Dallku, i cili tha se po përcjell me shqetësim dhe dhembje luftën ruse në Ukrainë.

Dallku, i cili për më shumë se një dekadë ka jetuar në këtë vend dhe ka luajtur për ekipe futbolli atje, thotë se ka shokë e miq në Ukrainë, që po rrezikohen nga sulmet ruse. Ky material është realizuar nga gazetari i Radios Evropa e Lirë, Taulant Qenaj dhe kameramani, Bujar Tërstena. Fillimisht është publikuar me 12 mars.

Bashkëngjite

Dhimbja për shtëpinë e dytë

nga Radio Evropa e Lirë

Bashkëngjite

gjerësia px lartësia px

Materiali aktualisht nuk është në dispozicion.

0:00 0:03:08 0:00

21:17 18.3.2022

SHBA: Armët për Ukrainën janë vetëm për mbrojtje

Asnjë nga armët që Shtetet e Bashkuara po i dërgojnë Ukrainës nuk mund të përdoren për të nisur një sulm ndaj një vendi tjetër, tha Shtëpia e Bardhë të premten, duke theksuar se ato janë të destinuara për qëllime mbrojtëse.

21:45 18.3.2022

Të premten, mbi 9.000 të evakuuar nga luftimet në Ukrainë

Gjithsej 9,145 njerëz u evakuuan nga qytetet e Ukrainës përmes korridoreve humanitare të premten, tha një zyrtar i lartë. Ky është një përmirësim në krahasim me një ditë më parë kur u evakuuan pak më shumë se 3,800 njerëz.

Zëvendësshefi i Shtabit të Presidentit të Ukrainës, Kirilo Tymoshenko, tha se 4,972 njerëz ishin larguar nga Mariupoli, qytet ky i rrethuar.

Rreth 400,000 njerëz janë bllokuar në qytetin strategjik për më shumë se dy javë.

FAKT: Më shumë se 3.9 milionë njerëz janë larguar nga Ukraina që nga fillimi i pushtimit rus më 24 shkurt.

21:52 18.3.2022

Psaki: Nuk ka trupa amerikane brenda Ukrainës

Sekretarja e shtypit e Shtëpisë së Bardhë Jen Psaki.

Shtëpia e Bardhë minimizoi kërcënimet e bëra nga Ministri i Jashtëm rus Sergej Lavrov kundër ndihmës materiale që vjen në Ukrainë pasi presidenti amerikan Joe Biden u zotua të dërgojë më shumë se 800 milionë dollarë ndihmë në fushën e sigurisë.

Të premten, Lavrov tha se çdo dërgesë armësh që hyn në Ukrainë do të jetë një objektiv "legjitim" për Rusinë.

“Ky është një kërcënim që ai e ka bërë më parë”, tha sekretarja e shtypit e Shtëpisë së Bardhë Jen Psaki gjatë një konference për shtyp të premten, duke shtuar se "nuk ka trupa amerikane që veprojnë brenda Ukrainës”.

Shfaq më shumë