Kurti flet pë procesin në Hagë
Kurti u ndal fillimisht te procesi në Hagë kundër ish-eprorëve të UÇK-së, duke theksuar se përpjekjet e prokurorisë atje janë "një orvatje që bie ndesh me të vërtetën".
Ai theksoi se në Kosovë janë kryer krime kundër njerëzimit ndaj popullatës shqiptare dhe se ato janë kryer nga regjimi jugosllav nën udhëheqjen e Millosheviqit.
Kurti u drejtohet deputetëve
Mandatari për formimin e Qeverisë së re të Kosovës, Albin Kurti, nisi një fjalim para deputetëve, duke i përgëzuar ata për konstituimin e Kuvendit të ri të Kosovës.
Deputetët hyjnë në sallë për votimin e Qeverisë së re
Deputetët e Kuvendit të Kosovës po hyjnë në sallë për seancën ku pritet të votohet Qeveria e re.
Presidentja Vjosa Osmani ka caktuar liderin e Lëvizjes Vetëvendosje, Albin Kurti, si mandatar për formimin e Qeverisë së re.
Qëndroni me Radion Evropa e Lirë për zhvillimet e fundit.
Qeveria e re drejt votimit në Kuvend
Në ueb-faqen e Kuvendit të Kosovës shkruan se "seanca e jashtëzakonshme" mbahet në orën 20:00.
Nga kjo kohë kanë kaluar rreth 30 minuta dhe ende nuk dihet se kur do të mblidhen deputetët.