Në Kosovë vazhdojnë protestat kundër aktgjykimit të Speciales ndaj katërshes së UÇK-së
Dhjetëra mijëra njerëz kanë mbushur sheshet kryesore të kryeqytetit të Kosovës, Prishtinë, më 1 tetor për të shprehur mospajtimin me dënimin me burgim të ish-krerëve të Ushtrisë Çlirimtare të Kosovës (UÇK) për krime lufte nga Dhomat e Specializuara të Kosovës në Hagë muajin e kaluar. Ata valëvitën flamuj me simbolet e UÇK-së dhe pankarta në mbështetje të ish-presidentit Hashim Thaçi, ish-kryeparlamentarëve Kadri Veseli e Jakup Krasniqi, dhe ish-deputetit Rexhep Selimi. Protesta, e thirrur nga platforma “Liria ka Emër”, përfundoi e qetë dhe pa incidente. Shqiptarët e Kosovës kanë protestuar vazhdimisht qëkurse gjykata i dënoi ata me gjithsej 81 vjet burgim.
1
Disa burra të veshur me uniformë të UÇK-së rreshtohen në protestën e 1 tetorit në Prishtinë kundër aktgjykimit të Hagës për dënimin e ish-udhëheqësve të UÇK-së me burgim për krime lufte.
Shqiptarët e Kosovës po protestojnë kundër aktgjykimit qysh nga dita e shqiptimit të tij në Hagë më 16 shtator.
Shqiptarët e Kosovës po protestojnë kundër aktgjykimit qysh nga dita e shqiptimit të tij në Hagë më 16 shtator.
2
Një vajzë e vogël me kapelë me logon e UÇK-së merr pjesë në protestën e 1 tetorit në Prishtinë, kundër aktgjykimit të Hagës për dënimin e ish-udhëheqësve të UÇK-së me burgim për krime lufte.
3
Dënimi muajin e kaluar i ish-presidentit Hashim Thaçi me 25 vjet burgim, i ish-kryetarit të Kuvendit, Jakup Krasniqi, me 25, i ish-kryetarit tjetër të Kuvendit, Kadri Veseli, me 18, dhe i ish-deputetit Rexhep Selimi me 13, është kundërshtuar gjerësisht në Kosovë.
Që të katërtit udhëhoqën luftën e UÇK-së kundër forcave pushtuese serbe në vitet 1998-1999, dhe shihen si heronj nga shqiptarët e Kosovës.
Që të katërtit udhëhoqën luftën e UÇK-së kundër forcave pushtuese serbe në vitet 1998-1999, dhe shihen si heronj nga shqiptarët e Kosovës.
4
Protestues duke e kaluar kordonin e Policisë për t'u futur në oborrin e Qeverisë së Kosovës në përfundim të protestës.
Ata vendosën në derën e ndërtesës qeveritare dosje me uniforma të UÇK-së.
Ata vendosën në derën e ndërtesës qeveritare dosje me uniforma të UÇK-së.
