Me hedhje vezësh e tensione, Kuvendi në pikën zero

Arian Tahiri i PDK-së tha se dita e sotme nuk është e mirë për Kosovën. Ai tha se mbrëmë është cenuar “rëndë rendi kushtetues”.

“LVV ka vota për ta zgjedhur kryetarin [e Kuvendit]. Ata refuzojnë të propozojnë emër dhe provojnë që të prodhojnë krizë politike”, tha ai.

Pas seancës, deputetja e LDK-së, Jeohna Lushaku Sadriu, e cilësoi si “pamje të keqe” atë që ndodhi në Kuvend.

Ajo tha se deputetët duhet ta konstituojnë Kuvendin, duke e fajësuar LVV-në për papërgjegjësi që ta kryejë detyrën e saj.

Tani, edhe anëtarë të partive të tjera po deklarohen për mediat pas ndërprerjes së seancës.

Pas fjalës së Kurtit, ishte deputetja e Aleancës, Time Kadrijaj, u afrua dhe nisi të hidhte vezë në drejtim të Kurtit.

Pas kësaj, deputetët e grupeve të ndryshme politike, u ngritën në këmbë dhe filluan shtyrjet fizike, teksa anëtarë të LVV-së u panë duke e mbrojtur Kurtin pasi Kadriaj nisi të gjuante me vezë drejt tij.

Dehari më pas ndërpreu seancën.

Kreu i LVV-së, Albin Kurti kërkoi kohë shtesë, pasi nuk ka marrëveshje politike.

Ai sërish nuk propozoi emrin e partisë së tij për kryeparlamentar.

"Prandaj, që t’i evitojmë zgjedhjet e reja, ju lus për kohë shtesë", tha Kurti.

Pas kësaj, pati tensione në Kuvend dhe kryesuesi Avni Dehari e ndërpreu seancës.