Deputetët hyjnë në sallën plenare
Deputetët e legjislaturës së 11-të kanë hyrë në sallën plenare, gati një orë pasi ishte thirrur vazhdimi i seancës konstituive.
Megjithatë, mbetet e paqartë nëse sot do të votohet për kryesinë e re të organit ligjvënës.
Nis seanca
Kryesuesi Avni Dehari ka nisur seancën konstituive, që nisi më 6 gusht.
Të pranishëm në sallë janë 109 deputetë.
Sipas rendit të ditës, seanca ka vetëm dy pika: zgjedhjen e kryetarit dhe nënkryetarëve të Kuvendit.
Ndërpritet seanca, tensione në Kuvend
Kreu i LVV-së, Albin Kurti kërkoi kohë shtesë, pasi nuk ka marrëveshje politike.
Ai sërish nuk propozoi emrin e partisë së tij për kryeparlamentar.
"Prandaj, që t’i evitojmë zgjedhjet e reja, ju lus për kohë shtesë", tha Kurti.
Pas kësaj, pati tensione në Kuvend dhe kryesuesi Avni Dehari e ndërpreu seancës.
Deputetja e Aleancës hedh vezë në drejtim të Kurtit
Pas fjalës së Kurtit, ishte deputetja e Aleancës, Time Kadrijaj, u afrua dhe nisi të hidhte vezë në drejtim të Kurtit.
Pas kësaj, deputetët e grupeve të ndryshme politike, u ngritën në këmbë dhe filluan shtyrjet fizike, teksa anëtarë të LVV-së u panë duke e mbrojtur Kurtin pasi Kadriaj nisi të gjuante me vezë drejt tij.
Dehari më pas ndërpreu seancën.
