Trupi gjykues i Gjykatës Themelore në Prishtinë e aprovoi të mërkurën kërkesën e mbrojtjes që Naim Murseli t’i nënshtrohet një ekzaminimi psikik, para se të vazhdojë procesi gjyqësor ndaj tij dhe dy të akuzuarve të tjerë për vrasjen e Liridona Ademajt, bashkëshortes së Murselit, në nëntor të vitit 2023 në Prishtinë. Murseli dhe dy të akuzuarit e tjerë dolën sërish para gjykatës dhe mohuan akuzat që rëndojnë mbi ta.