Ndërlidhjet

OKB-ja do të publikojë raportin për ndryshimet e klimës


Zjarri në Mugla, rrethi Marmaris, Turqi. 2 gusht 2021. Zjarret që përfshinë Turqinë që nga 28 korriku kanë shkatërruar pjesë të mëdha të pyjeve dhe kanë detyruar evakuimin e banorëve dhe turistëve.
Zjarri në Mugla, rrethi Marmaris, Turqi. 2 gusht 2021. Zjarret që përfshinë Turqinë që nga 28 korriku kanë shkatërruar pjesë të mëdha të pyjeve dhe kanë detyruar evakuimin e banorëve dhe turistëve.

Të hënën (9 gusht) do të publikohet një raport i rëndësishëm për çështjen e ndryshimeve të klimës. Studimi është bërë nga Paneli Ndërqeveritar për Ndryshimet Klimatike (IPCC) - një grup i Organizatës së Kombeve të Bashkuara. Grupi ka hulumtuar dhe studiuar më shumë se 14.000 punime shkencore.

Publikimi që do të bëhet në Gjenevë të Zvicrës vjen tre muaj para se udhëheqësit botërorë të mblidhen në Skoci, për të hartuar një plan të ri për të kufizuar rritjen e temperaturës globale.

Raporti do t'u sigurojë qeverive fakte të përditësuara mbi ndikimet aktuale dhe rreziqet e ardhshme të ngrohjes globale.

Raporti gjithashtu pritet të shqyrtojë sesi zvogëlimi i emetimeve të gazrave serrë do të ndikojnë në ritmin e ndryshimit të klimës gjatë dekadave të ardhshme.

Zëdhënësi i IPCC, Jonathan Lynn tha se tashmë “gjithnjë e më shumë mund të themi se deri në çfarë mase ndryshimet klimatike janë përgjegjëse për ngjarjet ekstreme të motit, fatkeqësitë natyrore etj. "

Samiti i ardhshëm në Skoci po cilësohet si takimi më i rëndësishëm mbi krizën klimatike që nga samiti i Parisit 2015.

Rreth 200 vende e nënshkruan në marrëveshjen historike të klimës në Paris, e cila synon të vendos nën kontroll ngrohjen globale.

XS
SM
MD
LG