Ndërlidhjet

Osmani autorizon operacion humanitar të FSK-së në Shqipëri për të luftuar zjarret


Pjesëtarë të Forcës së Sigurisë së Kosovës.

Presidentja e Kosovës, Vjosa Osmani ka autorizuar dërgimin e trupave dhe pajisjeve të Forcës së Sigurisë së Kosovës në operacion humanitar në Shqipëri, për të ndihmuar në shuarjen e zjarreve.

Përmes një komunikate për media, Presidenca ka thënë se për këtë vendim e ka informuar edhe Kuvendin e Kosovës.

Zëri i Amerikës raporton se Zona e Karaburunit mbetet problematike në luftën me zjarret në Shqipëri, meqë flakët gjatë ditës së hënë i janë afruar edhe Parkut të Llogarasë.

Beteja me zjarret po vazhdon tash e dy javë në këtë shtet, ndërsa policia shqiptare ka njoftuar ditët e fundit dhe për arrestimin e disa personave në zona të ndryshme të vendit, të dyshuar për zjarrvënie të qëllimshme.

Edhe autoritetet në Kosovë janë përballur me zjarre përgjatë këtij muaji.

Zjarret shkrumbojnë një pjesë të Bjeshkëve të Nemuna
Ju lutem të prisni

No media source currently available

0:00 0:02:49 0:00

Më 4 gusht, Policia e Kosovës ka njoftuar se në fshatin Novosellë të Malishevës ka vdekur një burrë (1957) pasi kishte shkuar në një stallë e cila ishte përfshirë nga zjarri.

Vdekja e tij dyshohet të jetë shkaktuar nga tymi i zjarrit.

Zjarrvënia e qëllimshme është vepër penale sipas Kodit Penal të Republikës së Kosovës.

Sipas nenit 322 të këtij Kodi, kjo vepër penale është e dënueshme nga gjashtë muaj deri në 10 vjet burgim, varësisht formës së kryerjes së përcaktuar në Kod.

XS
SM
MD
LG