Të gjithë sytë të Kurti
Kryeministri në detyrë i Kosovës, Albin Kurti, njëherësh lider i Lëvizjes Vetëvendosje, është mandatar për formim të Qeverisë së re.
Ai e ka marrë mandatin nga presidentja e Kosovës, Vjosa Osmani më 11 tetor, një ditë pas konstitiuimit të Kuvendit.
Partia e Kurtit ka fituar më së shumti vota në zgjedhjet e 9 shkurtit, por jo mjaftueshëm për të qeverisur vetë.
Pavarësisht se anëtarë të partisë së tij kanë përmendur se janë zhvilluar negociata me disa parti politike, në publik nuk është bërë e ditur nëse është arritur ndonjë koalicion.
Përshëndetje të gjithëve,
Përmes këtij blogu po e nisim mbulimin e drejtpërdrejtë të seancës për zgjedhjen e Qeverisë së re, dhe zhvillimeve tjera lidhur me të.
Seanca është thirrur në orën 10:00 dhe e ka vetëm një pikë në rend të ditës: votimin e Qeverisë së re.
Është krejtësisht e paqartë nëse Kosova do të bëhet sot me ekzekutiv të ri, pas zgjedhjeve parlamentare të 9 shkurtit.
Faleminderit që jeni me ne!