Në Teatrin e Qytetit, në Prizren, shfaqja “Të gjashtët kundër Turqisë” dështoi dy herë të luhet. Zyrtarisht u dhanë arsye teknike e organizative, por autori Jeton Neziraj beson se kjo po ndodh për shkak të presionit të shtetit të Turqisë për ta ndaluar shfaqjen, pasi e njëjta flet për dëbimin e gjashtë shtetasve turq nga Kosova më 2018, nën dyshimet se ishin të lidhur me klerikun Fethullah Gylen, që akuzohej për organizim të puçit në Turqi në vitin 2016.