Ndërlidhjet

Kosova regjistron një viktimë dhe 23 raste me COVID-19


Një doktoreshë në Klinikën Infektive të QKUK-së.
Një doktoreshë në Klinikën Infektive të QKUK-së.

Instituti Kombëtar i Shëndetësisë Publike njoftoi të enjten se ka regjistruar një viktimë dhe 23 raste të reja me COVID-19.

Siç njofton IKSHPK-ja viktima ishte një person 63 vjeç nga Ferizaj.

Shifra e raste të reja del pas testimit të 2.460 mostrave. Sipas kësaj shifre, del se 0.93 për qind e të testuarve kanë dalë pozitivë.

Komuna me më së shumti raste të reja është ajo e Prishtinës, përkatësisht në këtë komunë janë regjistruar pesë raste.

Në 24 orët e fundit nga sëmundja COVID-19 janë shëruar edhe 230 pacientë.

Që prej 13 marsit 2020, deri më 27 maj, 2021, Kosova ka regjistruar 107.336 raste me COVID-19. Prej tyre, 2.242 raste kanë përfunduar me fatalitet, ndërkaq 102.107 pacientë janë shëruar.

Raste aktive janë 2.987.

Newsletter

Gjithçka që duhet të dini për temën më të diskutuar të javës jua sjellim të enjteve në tre minuta. Regjistrohuni për t'u informuar të parët!

XS
SM
MD
LG