Ndërlidhjet

Kosova regjistron 18 raste të reja me COVID-19


Një doktor kalon përmes tunelit dezinfektues të vendosur pranë QKUK-së. Foto nga arkivi.
Një doktor kalon përmes tunelit dezinfektues të vendosur pranë QKUK-së. Foto nga arkivi.

Në Kosovë të premten u regjistruan 18 raste të reja me koronavirus, njoftoi Instituti Kombëtar i Shëndetësisë Pubile (IKSHPK).

Gjatë 24 orëve të fundit, sipas Institutit, nuk është regjistruar asnjë viktimë.

Rastet e reja dalin pas testimit të 1.886 mostrave, që i bie se 0.95 për qind e të testuarve kanë dalë pozitivë për COVID-19.

Komunat me më së shumti raste janë e Gjilanit dhe Rahovecit, përkatësisht në këto komuna u regjistruan nga tri raste.

Po ashtu, janë shëruar edhe 412 pacientë.

Që prej marsit të vitit 2020, e deri më 28 maj, 2021, Kosova ka regjistruar 107.354 raste me COVID-19. Prej tyre, 2.242 pacientë kanë vdekur dhe 102.519 janë shëruar.

Raste aktive janë 2.593.

Newsletter

Gjithçka që duhet të dini për temën më të diskutuar të javës jua sjellim të enjteve në tre minuta. Regjistrohuni për t'u informuar të parët!

XS
SM
MD
LG