Ndërlidhjet

Drejtpërdrejt Shkon në tre numri i viktimave nga koronavirusi në Kosovë

Raste të të infektuarve me koronavirus kanë raportuar mbi 200 vende. Përcilleni Radion Evropa e Lirë për informacionet e reja.


Prishtinë

Përmbledhja

Koronavirusi i ri, që është një familje e gjerë virusesh, është shfaqur për herë të parë në Kinë, në fund të vitit 2019.

  • Shenjat kryesore të infektimit me të janë: temperatura e lartë, kolla dhe vështirësitë në frymëmarrje.
  • Sëmundja që shkakton koronavirusi, është emëruar COVID-19.
  • Përveç Kinës, raste me koronavirus kanë raportuar edhe së paku 150 vende të tjera të botës.
  • Sipas të dhënave të Universitetit Johns Hopkins, në gjithë botën janë: 1,275,542 njerëz të infektuar, 69,498 të vdekur dhe 262,985 të shëruar.
  • Shtetet e Bashkuara kanë 337,637 raste me koronavirus, pas tyre vjen Spanja me 131,646.
  • Numri më i madh i njerëzve të vdekur është në Itali: 15,887.
  • Kosova ka konfirmuar rastet e para me koronavirus më 13 mars.
  • Koronavirusi vjen nga një familje virusesh që mban emrin e dukjes së tij, sepse ka formën e një kurore.
  • Nga i njëjti grup virusesh vijnë edhe SARS dhe MERS - viruse që kanë shkaktuar epidemi në të kaluarën.
  • Rekomandimet e Organizatës Botërore të Shëndetësisë (OBSH) për të parandaluar përhapjen e koronavirusit janë: larja e rregullt e duarve, mbulimi i gojës dhe hundës gjatë kollitjes dhe teshtitjes, gatimi i plotë i mishit dhe vezëve dhe shmangia e kontaktit të ngushtë me personat që tregojnë simptoma të sëmundjeve të frymëmarrjes, si kollitje dhe teshtitje.
  • OBSH-ja e ka shpallur pandemi sëmundjen që shkakton koronavirusi, COVID-19.
  • Pandemia ndodh kur një sëmundje infektive përhapet lehtësisht nga personi në person, në shumë pjesë të botës.
14:48

OKB-ja bën thirrje për rritje të kujdesit ndaj migrantëve

Migrantëve pa dokumente, azilkërkuesve dhe viktimave të trafikimit në gjithë botën, duhet t’iu sigurohet qasje në kujdes shëndetësor dhe mirëqenie – pavarësisht statusit të tyre ligjor – për t’i mbrojtur ata nga pandemia me koronavirus, kanë thënë dy ekspertë të Kombeve të Bashkuara të hënën.

Migrantët që punojnë në sektorë si bujqësia shumë shpesh përballen me mungesë të mbrojtjes kundër sëmundjes, Covid-19, që shkakton koroanvirusi, derisa azilkërkuesit në qendra të ndalimit nuk mund të praktikojnë distancim fizik, kanë thënë raportuesit specialë të Kombeve të Bashkuara.

Muajin e kaluar, Portugalia ka thënë se të huajt që kanë aplikuar për shtetësi, përfshirë azilkërkuesit- do të trajtohen sikurse shtetasit tjerë të përhershëm deri të paktën në fillim të muajit korrik, ashtu që migrantëve t’iu garantohet qasje në shërbime publike gjatë shpërthimit.

Megjithatë, punëtorët shëndetësorë në Indi kanë shkaktuar zemërim javën e kaluar duke dezinfektuar një grup personash, përderisa rreth 1,000 migrantë afrikanë në Maltë janë futur në karantinë në detyrueshme të dielën, pasi tetë persona në kamp janë infektuar me koronavirusin e ri.

Numri i migrantëve dhe refugjatëve në botë ka prekur shifrën e 272 milionë personave vitin e kaluar – më shumë se 51 milionë më shumë në krahasim me fillimin e dekadës – ndërkohë që rreth 25 milionë persona në gjithë botën besohet se janë viktima të punës së detyrueshme, tregojnë të dhënat e fundit të Kombeve të Bashkuara.

14:25

Kështu do të duhej të vishej secili mjek këto ditë, por duket se në shumë vende kjo gjë nuk është e mundur. Për shkak të rritjes së numrit të pacientëve të prekur nga koronavirusi i ri, spitalet janë përballur me një varg mungesash.

13:55

Franca përballet me rënien më të madhe ekonomike që nga Lufta e Dytë Botërore

Ministri i Ekonomisë dhe Financave i Francës, Bruno Le Maire, tha se vendi i tij përballet me rënien më të keqe ekonomike që nga fundi i Luftës së Dytë Botërore.

Muajin e kaluar, Qeveria franceze ka vlerësuar se ekonomia mund të tkurret për 1 për qind në vitin 2020.

Por, Le Maire tha të hënën në një seancë të Senatit francez se kjo shifër është rishikuar.

“Me siguri, rënia do të jetë më shumë se -2.2 për qind, sa ka qenë më 2009”, tha Le Maire duke iu referuar kohës së krizës globale financiare.

“Kjo tregon për përmasat e tronditjes sonë ekonomike”, tha ai.

Franca, sikur edhe vende të tjera në botë, po përballen me probleme ekonomike për shkak të situatës së krijuar me koronavirus.

Në përpjekje për të frenaur pandeminë, shumë vende janë izoluar, duke ndaluar trafikun ajror, duke mbyllur dyqanet dhe duke zvogëluar ose ndaluar prodhimin në shumë kompani.

13:40

Përgjigjet e Organizatës Botërore të Shëndetësisë në disa nga pyetjet më të shpeshta:

Trego më shumë

XS
SM
MD
LG