Ndërlidhjet

Uashington

Në pritje të rezultateve nga shtetet kyçe

  • Në Shtetet e Bashkuara të Amerikës, më 3 nëntor, janë mbajtur zgjedhjet presidenciale.
  • Sistemi politik amerikan dominohet nga dy parti, andaj presidenti gjithmonë i përket njërës prej tyre.
  • Republikanët janë parti politike konservatore dhe kandidati i tyre në zgjedhjet e këtij viti është presidenti Donald Trump, i cili shpreson t’i sigurojë edhe katër vjet në pushtet.
  • Demokratët janë parti politike liberale dhe kandidat i tyre është Joe Biden, një politikan me përvojë, më i njohur për shërbimin e tij si zëvendëspresident në administratën e Barack Obamës.
  • Të dy kandidatët, në të 70-tat e tyre, garojnë për të fituar votat e Kolegjit Zgjedhor.
  • Secili shtet ka një numër të caktuar të votave të Kolegjit Zgjedhor, bazuar në popullsinë e tij.
  • Kolegji Zgjedhor ka gjithsej 538 vota dhe fitues i zgjedhjeve është kandidati që siguron 270 ose më shumë prej tyre. Fituesin nuk e përcakton vota e popullit.
  • Zgjedhjet në SHBA mbahen çdo katër vjet në të martën e parë të nëntorit dhe të drejtë vote ka secili shtetas amerikan mbi 18 vjeç.
  • Rezultati mund të dihet në natën e zgjedhjeve, por mund të marrë edhe ditë ose javë.
  • Presidenti i ri betohet zyrtarisht më 20 janar në një ceremoni që njihet si inaugurim.
21:00 3.11.2020

Të dashur lexues, këtu e nisim mbulimin e drejtpërdrejtë të zgjedhjeve presidenciale në Shtetet e Bashkuara. Faleminderit që na ndiqni!

21:01 3.11.2020

Votuesit amerikanë zgjedhin midis Trumpit dhe Bidenit

Qytetarët amerikanë janë duke votuar në zgjedhjet presidenciale, që konsiderohen si më të rëndësishmet në disa dekada.

Gara zhvillohet midis dy kandidatëve krejt të ndryshëm dhe në kohën e pandemisë së koronavirusit, e cila ka qenë e dukshme gjatë gjithë fushatës.

Presidenti Donald Trump, republikan, garon për mandatin e dytë, kundrejt demokratit Joe Biden.

Shumica e vendvotimeve janë hapur në orën 07:00 të mëngjesit, sipas kohës lokale.

Mbi 100 milionë amerikanë kanë votuar tashmë me postë, ose në vendvotime që janë hapur më herët, kryesisht për shkak të situatës epidemiologjike.

Shkalla e lartë e votimit të parakohshëm tregon se në zgjedhjet e këtij viti, pjesëmarrja mund të jetë shumë më e lartë se në vitin 2016, kur ka qenë 55 për qind.

Sondazhet e opinionit e kanë nxjerrë vazhdimisht Bidenin në epërsi, në shkallë vendi.

Por, avantazhi i tij ka qenë më i vogël në shtetet e lëkundura, ku dy partitë kanë nivele të ngjashme të mbështetjes në mesin e votuesve.

21:08 3.11.2020

Trump: Do ta shpall fitoren vetëm kur të ketë fitore

Presidenti i Shteteve të Bashkuara, Donald Trump, tha se fushata e tij ka parë “ndryshime të jashtëzakonshme gjatë javës së fundit”, të cilat sinjalizojnë rizgjedhjen e tij president.

Trump foli për Fox News, në ditën kur qytetarët amerikanë zgjedhin presidentin.

Në garë për Shtëpinë e Bardhë janë: Trump, nga Partia Republikane, dhe Joe Biden, nga Partia Demokratike.

I pyetur për shpalljen e fitores, Trump tha se do ta shpallë atë “vetëm kur të ketë fitore”.

“Nuk ka nevojë për të luajtur lojëra”, tha Trump.

Gjatë një vizite më vonë në zyrat e Komitetit Kombëtar Republikan në Arlington të Virxhinias, Trump po ashtu pranoi se mund të humbasë në zgjedhje.

“Mendoj se do të kemi një natë të mrekullueshme, por është politikë, janë zgjedhje dhe nuk e dini kurrë”, tha Trump.

Për t’u zgjedhur president, një kandidati i duhen së paku 270 vota të Kolegjit Zgjedhor, të cilat nuk përcaktohen nga vota e popullit, por nga shtetet që i fitojnë.

21:16 3.11.2020

Premtime krejt të ndryshme për çështjet e brendshme

Presidenti Donald Trump ka premtuar rimëkëmbje të shpejtë ekonomike, mbështetje për rendin dhe ligjin dhe qëndrim të fortë ndaj imigrimit të paligjshëm.

Sfiduesi i tij, Joe Biden, ka bërë fushatë duke premtuar kujdes të zgjeruar shëndetësor dhe investime në energji të pastër dhe infrastrukturë.

Trump dhe Biden: Premtime krejt të ndryshme për çështjet e brendshme
Ju lutem të prisni

No media source currently available

0:00 0:07:24 0:00

Trego më shumë

XS
SM
MD
LG