Ndërlidhjet

Të ikurit nga Mariupoli arrijnë në Zaporizhja të Ukrainës


Pamje nga shkatërrimet në qytetin e Mariupolit

Një ekip i Komitetit Ndërkombëtar të Kryqit të Kuq (KNKK) udhëhequr një kolonë autobusësh dhe makinash private që transportonin më shumë se 1,000 njerëz në Zaporizhja pasi civilët u larguan nga qyteti i rrethuar ukrainas i Mariupolit.

"Ardhja e kësaj autokolone në Zaporizhja është një lehtësim i madh për qindra njerëz që kanë vuajtur jashtëzakonisht dhe tani janë në një vend më të sigurt. Është e qartë, megjithatë, se mijëra civilë të tjerë të bllokuar brenda Mariupolit kanë nevojë për një kalim të sigurt dhe ndihmë për të hyrë brenda," tha Pascal Hundt, kreu i delegacionit të KNKK-së në Ukrainë.

KNKK ka punuar në Ukrainë që nga viti 2014 dhe së fundmi ka sjellë mbi 700 tonë furnizime mjekësore, ushqime dhe sende ndihme në vend.

Zëvendëskryeministrja ukrainase, Iryna Vereshchuk, tha të mërkurën (6 prill) se do të hapen 11 korridore humanitare për të evakuuar civilët nga zonat e luftës, përfshirë edhe nga qyteti i rrethuar i Mariupolit.

Përmes një deklarate në Telegram, ajo tha se banorët që largohen nga Mariupoli, mund ta bëjnë këtë vetëm përmes makinave të tyre private.

Vëzhguesit ndërkombëtarë i kanë përshkruar si “apokaliptike” kushtet në këtë qytet-port që gjendet në jug të Ukrainës.

Sipas Vereshchuk, konvojet me autobusë do të përdoren për evakuimin e civilëve nga zonat e tjera.

Zyrtarët ukrainas gati çdo ditë tentojnë të hapin rrugë për evakuimin e civilëve nga Mariupoli.

Në këtë qytet kanë mbetur të bllokuar mijëra civilë, teksa bombardimet dhe luftimet e ashpra po vazhdojnë. Shumica e tentimeve për evakuim, megjithatë kanë dështuar, dhe Ukraina dhe Rusia kanë fajësuar njëra-tjetrën për mosrespektim të armëpushimit.

"Është ferr": Ukrainasit përshkruajnë ikjen nga Mariupoli i rrethuar
Ju lutem të prisni

No media source currently available

0:00 0:03:52 0:00

XS
SM
MD
LG