Shtëpia e Bardhë mirëpriti mbajtjen e samitit ndërmjet udhëheqësve të Izraelit dhe palestinezëve. Zëdhënësi Skot Mekllellen tha se ky është një hap inkurajues drejtë procesit paqësor në Lindjen e Mesme. Takimi ndërmjet kryeministrit të Izraelit Ariel Sharon dhe Presidentit të Autoritetit Palestinez, Mahmud Abaz, pritet të mbahet javën e ardhshme në Egjipt me ftesë të presidentit, Hosni Mubarak.
