Kryeministri i Turqisë, Ahmet Davutoglu, ka thënë se vendi i tij “ndan dhimbjen” me armenët, paraardhësit e të cilëve janë vrarë në Perandorinë Osmane, 100 vjet më parë.
Davutoglu ka thënë se në Stamboll do të mbahet për herë të parë shërbimi përkujtimor për ta, në përvjetorin e 24 prillit.
Megjithatë, Turqia refuzon të njohë vrasjet masive të armenëve si gjenocid.
Armenia thotë se 1.5 milion qytetarë të saj janë vrarë dhe dëbuar në vitin 1915.
Turqia nuk e pranon termin gjenocid, duke thënë se ajo ka qenë luftë civile, në të cilën kanë pësuar të dyja palët.
Kjo çështje ka shkaktuar zemërim midis dy vendeve.