Kryeministri britanik, Tony Blair tha sot se Irani do të ballafaqohet me izolim në rritje dhe se i vetmi përfundim i mundshëm për Teheranin është lirimi i 15 pjesëtarëve të ushtrisë britanike. Zoti Blair tha se Britania do të tregoj qëndrueshmëri por edhe durim në përpjekje për ti liruar ushtarët e zënë. Më herët, gjatë ditës, në televizionin iranian, një ushtar i zënë britanik kërkoi falje që ai dhe kolegët e tij kishin hyrë pa leje në ujërat iraniane. Britania ka paraqitur dëshmi, që sipas Londrës, tregojnë se ushtarët britanikë ishin zënë në ujërat irakiane.
