“Serbët duhet të kuptojnë se me EULEX-in ndërtohet shteti juridik, me EULEX-in ecet përpara në afirmimin e të drejtave individuale, por edhe kolektive si minoritete”, thotë Berim Ramosaj, nga Lidhja Demokratike e Dardanisë.
Moszbatimi i Kushtetutës në pjesën veriore të Kosovës paraqet rrezik të madh për fatin e vendit. Kështu thonë analistët politikë në Kosovë.
“Korrupsioni në Kosovë vazhdon të jetë shumë akut, shumë aktual, shumë problematik. Mënyra e shfaqjes po ndryshon çdo ditë”, thotë në intervistë për Radion Evropa e Lirë, Hasan Preteni, drejtor i Agjencisë Kundër Korrupsionit.
Autoritetet e rendit dhe ata të Shërbimit Doganor të Kosovës bëjnë të ditur se nafta dhe derivatet e saj kontrabandohen më së shumti. Ata konsiderojnë se për të pamundësuar një dukuri të tillë, duhet pasur një kontroll më të madh. Ndërkohë, zyrtarët ndërkombëtarë dhe vendorë tashmë kanë thënë se në pikat kufitare në veri të Mitrovicës, në masë të madhe zhvillohet ekonomia informale.
Përfaqësuesit e opozitës kritikojnë institucionet e Kosovës për vonesën e reagimit ndaj iniciativës së Serbisë kundër Kosovës. Sipas tyre, qëndrimi i presidentit dhe i ministrit të Jashtëm në Nju Jork, derisa të mbahet Asambleja e OKB-së, s’do ketë kurrfarë ndikimi.
Përfaqësuesit serbë në Kosovë thonë se bisedimet me UNMIK-un për statusin e policëve serbë të suspenduar, do të intensifikohen, me kërkesën që ata të kthehen në punë nën komandën e policisë ndërkombëtare. UNMIK-u hedh poshtë një mundësi të tillë.
“Është një iniciativë e rrezikshme për Kosovën, që mund të ndikojë drejtpërsëdrejti në vullnetin e shumë shteteve që janë në prag të vendosjes për njohjen e Kosovës”, thotë për Radion Evropa e Lirë, Behxhet Pacolli, kryetar i Aleancës Kosova e Re.
“Institucionet e Kosovës s’kanë pasur as fuqi, as mundësi, sepse me sigurinë në Kosovë deri më tash kompetencat i ka pasur UNMIK-u dhe KFOR-i”, thotë Xhavit Haliti, nga Partia Demokratike e Kosovës.
Ekspertët ligjorë në Kosovë konsiderojnë se iniciativa e Serbisë që Gjykata Ndërkombëtare e Drejtësisë të japë mendimin e saj lidhur me ligjshmërinë e pavarësisë së Kosovës, nuk do të ketë sukses.
"Opozita në Kuvendin e Kosovës nuk është e koordinuar; është një opozitë e çakorduar që nuk mund të koordinohet dhe me këtë rast nuk mund të jetë mbikëqyrëse e mirë e qeverisë", thotë Teuta Sahatçia, kryetare e Partisë Ora.
“Ne i jemi dorëzuar botës demokratike pa rezerva, kurse bota demokratike tash ka shndërruar Kosovën në një vend ku po kryqëzohen interesat e shumta”, thotë Adem Demaçi, një intervistën dhënë Radios Evropa e Lirë.
Reformimi në Lidhjen Demokratike të Kosovës ka përçarë edhe më shumë anëtarët më të lartë të kësaj partie. Disa nga ta deklarojnë se reformimi ka nisur kohë më parë, kurse të tjerët konsiderojnë se një gjë e tillë përmendët vetëm sa për të ulur tensionet.
Përfaqësuesit e Shërbimit Doganor të Kosovës thonë se për rikthimin e funksionimit normal të pikave kufitare në veri të Kosovës, kanë plan të veçantë operacional të veprimit. Kurse, autoritetet e rendit vlerësojnë se rikthimi i një situate normale të funksionimit doganor nuk mund të ndodhë tash për tash dhe, sipas tyre, kjo çështje është politike.
"Faktori ndërkombëtar nuk e ka bërë koordinimin e duhur as pas urdhëresave të Ban Ki Moonit për të përcaktuar secili detyrën që e ka në Kosovë", thotë Sabri Hamiti, nga Lidhja Demokratike e Kosovës.
Organizuar nga Kuvendi Komunal i Zubin Potokut, është mbajtur një protestë kundër vendosjes së kamerave në pikat kufitare në veri të Mitrovicës. Me këtë rast, zyrtarët komunalë serbë kanë deklaruar se nuk do të lejojnë që të ketë kufi ndërmjet Kosovës dhe Serbisë.
Iniciativa e mekanizmave vendorë e ndërkombëtarë për vendosjen e kamerave në veri të Kosovës u ndërpre pas reagimeve të zyrtarëve lokalë serbë. SHPK pohon se ky aksion do vazhdojë së shpejti, gjë të cilën udhëheqësit e Komunës së Zubin Potokut në Mitrovicë e quajnë të panevojshme.
Përfaqësuesit e institucioneve të Kosovës thonë se kompetencat që kanë mbetur pa u transferuar nga policia e UNMIK-ut te policia e Kosovës, do të barten hap pas hapi. Ndërkaq, zyrtarët e lartë të policisë së Kosovës konsiderojnë se policia është e gatshme t'i pranojë të githa përgjegjësitë. Ekspertët e kësaj lëmie pohojnë se vonesa e bartjes së kompetencave, dëmton policinë.
Autoritetet e rendit në Kosovë thonë se në krahasim me vitet e kaluara, në gjashtëmujorin e parë të 2008-ës vërehet rritje e numrit të të rinjve, të cilët përdorin substanca narkotike. Nga ana tjetër, psikologët konsiderojnë se një nga faktorët e rritjes së numrit të përdoruesve të substancave narkotike është edhe ngadalësimi i zhvillimit ekonomik të Kosovës dhe papunësia e madhe.
Analistët në Kosovë, marrëveshjen teknike, të cilën e nënshkruan përfaqësuesit e misionit të OKB-së dhe atij të BE-së, e shohin si një veprim të mirë drejt bartjes së kompetencave nga UNMIK-u tek EULEX-i.
Shfaq më shumë
