Tribunali i Kombeve të Bashkuara për krime lufte në ish Jugosllavi, ka shpallur sot fajtor politikanin serb të Bosnjes, Momçilo Krajishnik me 27 vjet heqje lirie. Krajishnik, bashkëpuntor i afërt i Radovan Karaxhiqit, është shpallur fajtor për persekutim, vrasje dhe deportim të civilëve në vitet 1992-95 gjatë luftës në Bosnje. Krajishnik, më herët është liruar nga akuza për gjenocid, sipas të cilës ai do të mund të dënohej me burg të përjetshëm.
