Pas takimit të rregullt, kryeadministratori i Kosovës Joachim Ruecker dhe kryeministri Agim Çeku, thanë se zgjidhja e statusit duhet të përfundoj sa më shpejtë që është e mundur, pasi çdo shtyrje është e dëmshme dhe e pa arsyeshme. Qëndrimin e deritashëm të Rusisë ndaj Kosovës, kryeministri Çeku e vlerësoi si një qëndrim jorealist. "Mendoj se përkundër këtij fakti, Rusia do ta ruaj unitetin e Grupit të Kontaktit dhe Këshillit të Sigurimit. Nuk mendoj që Rusia ka një qëndrim të tillë vetëm se dëshiron ta mbështet Serbinë", tha Çeku.
