Autoritetet e rendit në Kosovë njoftuan se kanë ulur shkallën e masave të sigurisë, që ishin ngritur më 27 nëntor, pas informacioneve për disa kërcënime ndaj personelit të Kombeve të Bashkuara në Kosovë dhe pronave të UNMIK-ut. Sipas zëdhënësit të policisë ndërkombëtare, Thomas Lee, aktualisht masat e sigurisë janë të atij niveli që ishin para se të bëheshin kërcënimet. Megjithatë, ai tha se hetimet lidhur me ato kërcënime po vazhdojnë.
