Një grup i afaristëve serb ka bllokuar rrugët magjistrale, që lidhin pjesën veriore të Kosovës me Serbinë, duke kërkuar që qeveria e Serbisë t’i heqë ngarkesat doganore për mallërat e veta që i transporton në Kosovë. Përfaqësuesit e këtyre afaristëve kërkuan nga qeveria e Beogradit respektimin e kërkesave të tyre, ose në të kundërtën paralajmëruan se do t’i bllokojnë dhe pikat tjera doganore nëpër kufirin e Kosovës me Serbinë.
