Kombet e Bashkuara filluan hetimet për vrasjen e ish kryeministrit të Libanit, Rafik Hariri. Ekipi i OKB-së vizitoi sot vendin ku me 14 shkurt u vra Hariri. Qeveria e Libanit ka refuzuar hetimet ndërkombëtare, mirëpo ka pranuar të bashkëpunojë me ekipin e Kombeve të Bashkuara. Opozita në Liban ka akuzuar qeverinë dhe Sirinë për përfshirje në sulm, gjë të cilën të dy qeveritë e kanë mohuar.
