Gjykata e Lartë e Argjentinës ka theksuar se Gjykata Ndërkombëtare e Krimeve të luftës për ish-Jugosllavinë ka përparësi në rastin e ekstradimit të Milan Lukiç, i arrestuar pak kohë më parë në këtë vend. Kërkesë për ekstradimin e Lukiçit përveç Gjykatës së Hagës ka bërë dhe Beogradi zyrtar. Por gjyqtarja argjentinase Carmen Argibay ka theksuar "se asnjë gjykatë vendore nuk mund të dalë përpara Gjykatës së Kombeve të Bashkuara". Lukiç, ish drejtues i paraushtarakëve serbë të Bosnjës, akuzohet për terror kundër boshnjakëve në Vishegrad.
