Ministri i jashtëm i Bullgarisë, Ivailo Kalfin tha sot se gjetja e zgjidhjes për statusin e ardhshëm të Kosovës është çështje themelore e stabilitetit në Ballkan. Zoti Kalfin, që është edhe zëvendës kryeministër i Bullgarisë, u shpreh se vendi i itj "nuk ka plan për statusin final të Kosovës" dhe se Sofja "i mbështet plotësisht përpjekjet e Bashkësisë ndërkombëtare". Gjatë qëndrimit të tij në Prishtinë, Ivailo Kalfin u takua me zyrtarët më të lartë kosovarë dhe ndërkombëtarë.
