Shtetet e Bashkuara janë të kënaqura me takimin e sotëm të liderëve të Pakistanit dhe të Indisë në Islamabad, ka thënë në Uashington, zëdhënësi i Departamentit amerikan të shtetit, Adam Ereli. Takimin e liderëve të dy shteteve fqinje, me armatim bërthamor, e ka përshëndetur edhe Franca. Takimi i sotëm ndërmjet presidentit të Pakistanit, Pervez Musharraf dhe kryeministrit të Indisë, Atal Behari Vajpayee ishte i pari në dy vitet e fundit.
