Ekipet e shpëtimit në Moskë kanë përfunduar sot kërkimin e njerëzve të mbijetuar nën gërmadha, pas rrëzimit të kulmit në një pishinë në Moskë. Bëhet e ditur se 25 kanë vdekur me këtë rast, më shumë se 100 janë lënduar, ndërkaq që 17 persona ende nuk janë gjetur. Në anën tjetër, një gjykatë në Moskë ka filluar sot hetimet, rreth shkaqeve të rrëzimit të kulmit. Zyrtarë të lartë në Moskë kanë deklaruar se shkaqet e rrëzimit mund të jenë nga ndërtimi i dobët, që është punuar nga një ndërmarrje turke.
