Ndërlidhjet

QYTETI I GAZËS


Izraeli ka vrarë udhëheqësin shpirtëror të Hamasit, Sheik Ahmed Jasin, gjatë një sulmi me helikopterë ushtarakë.
Sheik Jasin është vrarë pasi dilte nga xhamia, derisa u plagosën disa nga shoqëruesit e tij.
Rreth 200 mijë palestinezë po mbajnë zi dhe e kanë lëvizur trupin e pa jetë të sheik Ahmed Jasin të mbuluar me flamur, nëpër rrugët e Gazës.
"Hakmarrje, Hakmarrje nga Brigada Al-Kasam. " Ishin këto thirrjet që dëgjoheshin nëpër rrugët e Gazës, derisa Brigada Al Kasam është krahu i armatosur i Hamasit. Palestinezët kanë bërrë thirrje për hakmarrje për vrasjen e drejtuesit shpirtëror të Hamasit.
Udhëheqësi palestinez, Jaser Arafat, ka shpallur tre ditë zie, derisa kryeminsitri palestinez, Ahmed Kurei e ka cilësuar vrasjen si një akt të cmendur dhe shumë të rrezikshëm.
Ndërsa kryeministri izraelit, Ariel Sharon tha se ushtria izraelite kishte goditur udhëheqësin kryesor të terroristëve vrasës.

Përdorimi i përmbajtjes sonë

⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.

Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.

XS
SM
MD
LG