Forcat amerikane kanë marrë sot kontrollin mbi qytetin Kut nga ku ishin tërhequr dy ditë më parë trupat ukrainase nën zjarrin e rebelëve shiitë. Përleshjet kanë vazhduar në qytete të tjera, ndërsa Iraku sot shënon përvjetorin e parë të rrëzimit të shtatores së Saddam Husseinit në Bagdad dhe marrjes së kryeqytetit të Irakut nga forcat e koalicionit të udhëhequra nga Shtetet e Bashkuara të Amerikës. Mjekët dhe policia thonë se 15 irakienë dhe 6 pelegrinë iranianë janë vrarë gjatë natës në afërsi të qytetit Karbala.
