Ndërlidhjet

ROMË


Duke folur për luftën kundër terrorizmit, presidenti amerikan, George Bush u shpreh sot se "perëndimi gjendet në një pikë vendimtare në histori" që është e ngjashme me betejen kundër komunizmit pas Luftës së Dytë botërore. Ai mëtutje tha se "për fat të mirë ne qëndruam kundër komunizmit" dhe tash "Evropa është e tërë dhe paqesore". Presidenti Bush tha se për këtë arsye nuk do të tërhiqet për asnjë milimetër në luftën kundër terrorizmit. Këto komente zoti Bush i bëri në konferencën e përbashkët për media me kryeministrin e Italisë, Silvio Berlusconi në Romë. Duke folur për çështjen e Irakut, presidenti amerikan, George Bush tha:
-E ndjej shpirtin e një uniteti në kuptimin e punës me qeverinë e re të Irakut. Për këtë arsye ne po punojmë për së afërti me vendet e tjera për ta pasur një rezolutë të Këshillit të Sigurimit të Kombeve të Bashkuara që e konfirmon atë që e thash tash dhe besoj se këtë do ta kemi së shpejti.

Kryeministri Silvio Berlusconi premtoi se Italia do të qëndroj së bashku me Shtetet e Bashkuara në Irak. Ai përmendi se trupat italiane po merrnin pjesë në misionin në Irak, ashtu siç po veprojnë edhe në misionet paqeruajtëse në Bosnjë, në Kosovë dhe në Afganistan.
XS
SM
MD
LG